نسيم الروح المشرف
عدد المساهمات : 37 نقاط : 49389 السٌّمعَة : 0 تاريخ التسجيل : 29/10/2010 العمر : 36 البلد : سورية
| موضوع: على حافة الطرقات .. بين البيوت .. محتاج ؛ بعيونو دمعة بتنشف بحناني !! 16/12/10, 03:41 am | |
| على حافة الطرقات .. بين البيوت .. محتاج ؛ بعيونو دمعة بتنشف بحناني !!.............. =================
****** عندي حصالة حلوة بجمع مصروفي فيها خبيها للمحتاجين ولمسة إيدي بتضويها لليتيمِ اللي ما عندو بابا بعيونو دمعة بتنشف بحناني بنت اللي هناك اللي مرقعة تيابا .. ضعيفة ومريضة فقيرة وجوعانةهيك الرسول نبينا علمنا ,, واللي بيتصدق راح يدخل الجنِة الله حيبارك أموالنا وأعمالنا وربي ورسوله راح يرضو عني ***** دعوة للوقوفِ بجانب من هاجرهم الأمل لمن فقدو الحنان والابتسامة وتعايشوا مع هذا اليأس وقسوة الحرمان دعوة لتقديم الحنان والأمل والابتسامة وشيئآ يغير شيئآ من ذاكَ الحال لمن مررت بهــــــم ولم تقدم لهم شيئآ لذاكَ الذي وعدته بالعـودة ولم آراه بالغد لذاك الذي دمعـــــت عيناه وتركته يدمع وتلكَّ التي رأيتها قد بكت ولم أدمـــع لها
*** ....\** البـــــــداية **/.... يا جماعة لما تمروا بالشارع وتشوفوا مَرَة وجنبها بنتها وقاعدة بتشحد أو ولد صغير مادد إيدو ليل نهار بتتطلعش روحك لما تحط بإيدها أو إيدو هالشيكل فيه ناس وضعها زي النيلة ولولا الغصب إضطرت لهيك شغلة ,, مش لازم كل منشوف واحد بشحد يسير كزاب ويشده بالو هاد ليل نهار قاعد بشحد ميقوم يشتغل وهدول عالم بلا كرامة أو من هالحكي ولاَّ يومِ الجمعة لما حد يدق باب بيتك تلاقي شحادة تنفر فيها نفرة تقطع خبرها شو هالزوق بالله !! لو أعطيتها ساندويش فول وفلافل يمكن عشانها تدخل الجنة وانتا مش عامل اشي كويس بحياتك !! حبيت أحط هالموضوع لأنو الدنيا مليانة غلابا وزي ما فيه ناس الأكل بترمَّى عندها والأواعي ليل نهار بتنشرى وبترتمى فيه ناس بدها هالشغلات .. بتمنى من هالعالم يغيروا فكرتهم عن الشحادين ؛ جد ناسْ مسكينة ومجروحة والحياة ما فتحتلهم طاقة الأمل والتفارل ,, إحنا عايشين بنعيم وسعادة وبنعمل اللي بدنا إياه صحيح ! لكن فيه فقرا ويتامى ومساكين ومشردين وفيه ناس ما إلها أهل وقاعدين بربوهم ناس ما بتخاف الله وبنشروهم الصبح يلموا مصاري وإلا يوكلوا ضرب ليوم الضرب بتمنى من كل إنسان يتبرع أو يعطي كل محتاج أي اشي ,, كزاب مش كزاب الله أعلم بالحال وع العموم إنتا مش مكسور بهالاشي اللي بدك تقدموا المهم بنفسوإنو تحط إيدك على راس ولد صغير أو بنت صغيرة وتخليها تضحك أو تبتسم اشي حلو هاد أو تمزح معهم ,, تحكي معهم ؛ هالاشي ملوش دخل بالمقامات ومن هالحكي
/ \ / كلامي مفهوم واللي بدي أصل إلو أكيد مفهوم ,, هادي أمانة بتمناها من الجميع ما يقصروا بهالاشي لأنها اشي مش بسيط زي ما انتو حاسبينها وخلص ******
....\** همســــة **/....
يا حــزين القلب هونها تهون خلي الباكر يفرجه ربك الكريم
| |
|
فجر الأقصى Admin
عدد المساهمات : 232 نقاط : 50193 السٌّمعَة : 3 تاريخ التسجيل : 19/09/2010 العمر : 34 البلد : سورية
| موضوع: رد: على حافة الطرقات .. بين البيوت .. محتاج ؛ بعيونو دمعة بتنشف بحناني !! 16/12/10, 04:58 am | |
| بارك الله فيك أخي لاتحرمنا من مواضيعك الجميلة | |
|